مولانا فضل الرحمن نے بروز جمعہ ملک بھر میں اسماعیل ھنیئہ کی شہادت پر احتجاج کی کال دے دی

لاہور(اپنے رپور ٹر سے) جے یو آئی کے سر براہ مولانا فضل الرحمان کی حماس کے سیاسی ونگ کے سربراہ اسماعیل ھنیہ کی شہادت پر گہرے دکھ اور افسوس کا اظہار،جمعیت علما اسلام اسماعیل ھنیہ کے خاندان اور فلسطینیوں کے غم میں برابر کی شریک ہے۔اسماعیل ھنیہ کی شہادت سے فلسطین کی آزادی کی تحریک ختم نہیں ہوں گی۔ اسماعیل ھنیہ سے جب ملاقات ہوئی وہ شہادت کے جزبہ سے سرشار تھے۔ اسماعیل ھنیہ اور انکے خاندان کی قربانیاں رائیگان نہیں جائین گی، مولانا فضل الرحمان نے کہاکہ اسماعیل ھنیہ کی شہادت پر انکی خدمات کے اعتراف میں آج قومی اسمبلی سینیٹ خیبرپختونخوا خواہ اور بلوچستان اسمبلی کے اجلاسات میں قرادادین پیش کریں گے۔ مولانا فضل الرحمان کی طر ف سے شیخ اسماعیل ھنیہ کے بلندئی درجات کیلئے پاکستان کی پوری قوم اور خاص کر ملک بھر کے تمام مدارس مساجد اور گھروں میں قرآن خوانی کرنے کی اپیل کی گئی ہے مولانا فضل الرحمن نے بروز جمعہ ملک بھر میں اسرائیلی جارحیت کے خلاف اور اسماعیل ھنیئہ کی شہادت پر احتجاج کی کال دے دی ملک چھوٹے بڑے شہرون میں اسرائیلی جارحیت کے خلاف اور شیخ اسماعیل ھنیئہ کی شھادت پر بھرپور مظاہرے کئے جائیں گے ۔