1
ارجنٹائن(سپورٹس ڈیسک)ارجنٹائن کے کپتان اور 2022 ورلڈکپ فاتح لیونل میسی 2026 ورلڈکپ کوالیفائرز کے دوران اسکواڈ کا حصہ نہیں ہوں گے۔میڈیا رپورٹس کے مطابق، امریکی فٹبال لیگ کے کلب انٹرمیامی کی نمائندگی کرنے والے میسی یوراگوئے اور برازیل کے خلاف اہم کوالیفائنگ میچز میں شریک نہیں ہوں گے۔ پٹھوں میں کھچا کے باعث میسی کو آرام دینے کا فیصلہ کیا گیا ہے۔ارجنٹینا کی ٹیم اس وقت 25 پوائنٹس کے ساتھ کوالیفائنگ ٹیبل پر پہلی پوزیشن پر ہے اور جمعہ کو یوراگوئے کے خلاف میدان میں اترے گی۔ اس کے بعد ارجنٹینا 25 مارچ کو برازیل کے خلاف میچ کھیلے گا، جس میں ارجنٹینا کو میسی کی خدمات حاصل نہیں ہوں گی۔
