5
کراچی ( کامرس ڈیسک)پاکستان اسٹاک مارکیٹ میں مثبت رجحان دیکھنے کو ملا اور کاروباری ہفتے کے پہلے روز ہنڈرڈ انڈیکس ایک لاکھ 16 ہزار 626 پوائنٹس کی سطح پر پہنچ گیا۔ٹریڈنگ کے دوران، اسٹاک مارکیٹ میں زبردست تیزی آئی، جس کے نتیجے میں انڈیکس میں ایک ہزار سے زائد پوائنٹس کا اضافہ ہوا۔ تاہم دن کے اختتام پر انڈیکس میں 663 پوائنٹس کا اضافہ ہوا اور وہ ایک لاکھ 16 ہزار 199 پوائنٹس پر بند ہوا۔اسٹاک مارکیٹ کے کاروباری دن میں کم سے کم سطح ایک لاکھ 15 ہزار 883 پوائنٹس رہی، لیکن کاروبار کے اختتام تک انڈیکس مثبت رجحان میں بند ہوا۔یہ تیزی گزشتہ کاروباری ہفتے کے آخری روز کے مقابلے میں نمایاں تھی، جب اسٹاک مارکیٹ میں 441 پوائنٹس کا اضافہ ہو کر انڈیکس ایک لاکھ 15 ہزار 536 پوائنٹس پر بند ہوا تھا۔
