کالعدم تنظیم کیلئے چندہ اکٹھا کرنے کا جرم ثابت ،ملزم کو 10 سال قید اور 60 ہزار روپے جرمانہ

پشاور ( اباسین خبر)انسداد دہشت گردی کی خصوصی عدالت نے کالعدم تنظیم کیلئے چندہ اکٹھا کرنے والے ملزم فہیم خان کو 10 سال قید اور 60 ہزار روپے جرمانے کی سزا سنا دی۔عدالت میں دوران سماعت پراسیکیوشن نے بتایا کہ ملزم پر کالعدم تنظیم کے لیے چندہ اکٹھا کرنے کا الزام تھا، جس پر سی ٹی ڈی پولیس نے 22 اگست 2023 کو حراست میں لیا تھا۔ ملزم کے خلاف دہشت گردی اور ریاست مخالف سرگرمیوں کا مقدمہ درج کیا گیا تھا۔پراسیکیوشن کے مطابق تحقیقات مکمل ہونے کے بعد ملزم کے خلاف ٹرائل شروع کیا گیا اور جرم ثابت ہونے پر عدالت نے اسے 10 سال قید اور 60 ہزار روپے جرمانے کی سزا سنا دی۔