2
اسلام آباد( اباسین خبر)حکومت پاکستان کی جانب سے غیر قانونی طور پر مقیم افغان شہریوں اور افغان سٹیزن کارڈ ہولڈرز کو ملک چھوڑنے کے لیے دی گئی ڈیڈلائن میں صرف 15 دن باقی رہ گئے ہیں۔ حکومت پاکستان نے 31 مارچ تک ان افراد کو پاکستان چھوڑنے کا حکم جاری کیا ہے۔حکومت نے اس بات کی یقین دہانی کرائی ہے کہ انخلا کے دوران کسی بھی شخص کے ساتھ بدسلوکی نہیں کی جائے گی اور انہیں واپس جانے کے لیے خوراک اور صحت کی سہولتیں فراہم کی جائیں گی۔ تاہم، حکومت نے واضح کیا ہے کہ 31 مارچ کے بعد ان افراد کے خلاف سخت قانونی کارروائی کی جائے گی، اور متعلقہ حکام نے بتایا ہے کہ ڈیڈلائن کے بعد غیر قانونی طور پر مقیم افراد کے خلاف گرفتاریوں اور دیگر قانونی اقدامات کا آغاز کیا جائے گا۔
