پنجاب کے تعلیمی اداروں میں اساتذہ اور طلبہ دونوں کے موبائل فونز استعمال پر پابندی عائد

لاہور( ایجو کیشن ڈیسک) کالجز میں دوران کلاسز موبائل فونز کے استعمال پر پابندی عائد کر دی گئی ہے۔ محکمہ ہائر ایجوکیشن نے ڈائریکٹر کالجز اور پرنسپلز کو مراسلے کے ذریعے ہدایات جاری کر دیں۔مراسلے میں کہا گیا ہے کہ اساتذہ اور طلبہ دونوں کے موبائل فونز کے استعمال پر پابندی ہوگی کیونکہ دوران کلاسز موبائل فونز کے استعمال سے تدریسی عمل میں خلل آتا ہے۔ مزید کہا گیا کہ موبائل فونز کے استعمال سے کلاسز میں پڑھائی متاثر ہوتی ہے اور اس پابندی کی خلاف ورزی کرنے والے اساتذہ اور طلبہ کے خلاف کارروائی کی جائے گی۔