جعفر ایکسپریس پر حملے کے بعد کوئٹہ سے ٹرین سروس تا حال معطل، بحالی کا عمل جاری

کوئٹہ( اباسین خبر) جعفر ایکسپریس پر ہونے والے حملے کے بعد سے کوئٹہ سے دیگر صوبوں کے لیے ٹرین سروس بدستور معطل ہے۔ ریلوے ذرائع کے مطابق حملے کی زد میں آنے والی جعفر ایکسپریس کی 4 بوگیاں تاحال جائے وقوعہ پر کھڑی ہیں، جبکہ دھماکے سے تباہ ہونے والے ریلوے ٹریک کی مرمت کا کام جاری ہے۔ سکیورٹی کلیئرنس کے بعد چند روز میں ریلوے سروس بحال ہونے کی توقع ہے۔ریلوے حکام کا کہنا ہے کہ ٹرین کی زیادہ تر بوگیاں مچھ پہنچا دی گئی ہیں، جبکہ پٹری سے اترنے والی 4 بوگیوں کو آج کرین کے ذریعے اٹھایا جائے گا۔ جعفر ایکسپریس کے انجن کو سبی پہنچا دیا گیا ہے۔