7
اسلام آباد( کامرس ڈیسک)پاکستان اور عالمی مالیاتی فنڈ (آئی ایم ایف) کے درمیان سٹاف لیول معاہدہ نہ ہو سکا ہے۔ ذرائع کے مطابق، آئی ایم ایف نے معاہدے کے لیے ایم ای ایف پی شیئر کر دیا ہے جس میں نئی شرائط شامل کی گئی ہیں۔ایم ای ایف پی پر وزیر خزانہ اور گورنر سٹیٹ بینک کے درمیان اتفاق ہونا ضروری ہے۔ اس معاہدے کے تحت نئی شرائط پر آئندہ 6 ماہ میں عملدرآمد کرنا ہوگا۔ ایم ای ایف پی میں آئندہ بجٹ، کلائمیٹ اور توانائی کے شعبے کے لیے مخصوص شرائط شامل ہیں۔وزارت خزانہ کے ذرائع کے مطابق، دوسری قسط حاصل کرنے کے لیے ایم ای ایف پی کی شرائط کو تسلیم کرنا ہوگا، اور آئی ایم ایف کے ساتھ ایم ای ایف پی پر ایگری کرنے کے بعد معاہدہ طے پا جائے گا۔
