چینی کی قیمت میں 10 روپے فی کلو کمی، کریانہ مرچنٹ ایسوسی ایشن کا مزید قیمت کم کرنے کا مطالبہ

لاہور( کامرس ڈیسک)چینی کے تھوک ریٹ میں 10 روپے فی کلو کمی ہوگئی ہے۔ صدر کریانہ مرچنٹ ایسوسی ایشن پنجاب عارف گجر کے مطابق چینی کی ایکس مل قیمت 163 روپے سے کم ہو کر 153 روپے فی کلو ہوگئی ہے۔عارف گجر نے بتایا کہ چینی کی قیمت میں اضافہ ملی بھگت سے ہوا تھا اور توقع ہے کہ قیمت میں مزید کمی ہو کر 165 روپے سے کم ہونے میں چند دن لگیں گے۔انہوں نے مزید کہا کہ چینی کی قیمت کو 140 روپے فی کلو تک لانے کا مطالبہ کیا ہے تاکہ عوام کو مزید ریلیف مل سکے۔