9
کراچی( کامرس ڈیسک)ایف بی آر کے آئی آر آئی ایس پورٹل میں سنگین تکنیکی خرابیوں کی وجہ سے ٹیکس دہندگان پریشان ہوگئے ہیں۔ ٹیکس بار نے ڈی جی ایف بی آر کو خط لکھ کر آن لائن پورٹل میں فوری اصلاحات کا مطالبہ کیا ہے۔خط میں کہا گیا کہ آئی آر آئی ایس سسٹم میں خرابیوں کے باعث ٹیکس فائلنگ، پیمنٹ اور معلومات کے حصول میں رکاوٹیں آرہی ہیں۔ ٹیکس دہندگان کے لیے پورٹل کا استعمال مشکل ہوگیا ہے جس سے قانونی تقاضے متاثر ہو رہے ہیں۔خط میں مزید کہا گیا کہ تمام تکنیکی مسائل فوری طور پر حل کیے جائیں اور پورٹل کی بہتری کے لیے ٹیکس دہندگان کی آرا کو شامل کیا جائے۔ اگر مسائل حل نہ ہوئے تو ٹیکس کمپلائنس میں مزید مشکلات پیدا ہو سکتی ہیں۔
