اسلامو فوبیا عالمی امن کے لیے بڑا خطرہ، اقوام متحدہ کو مو ثر اقدامات کرنا ہوں گے:مریم نواز

لاہور( اباسین خبر)وزیراعلی پنجاب مریم نواز نے کہا ہے کہ اسلامو فوبیا عالمی امن اور بین المذاہب ہم آہنگی کے لیے سنگین خطرہ بن چکا ہے۔ انسداد اسلاموفوبیا کے عالمی دن کے موقع پر اپنے پیغام میں انہوں نے کہا کہ دنیا بھر میں مسلمانوں کو درپیش امتیازی سلوک، نفرت اور تعصب قابل مذمت ہے اور پاکستان نے اقوام متحدہ کی جنرل اسمبلی میں اسلاموفوبیا کے خلاف قرارداد پیش کرکے اس مسئلے پر آواز اٹھائی۔مریم نواز نے کہا کہ اسلام دینِ رحمت ہے، جو امن، محبت، برداشت اور انسانی عظمت کا درس دیتا ہے، مگر بدقسمتی سے اسلام اور مسلمانوں کے خلاف پراپیگنڈا کا رجحان بڑھ رہا ہے۔ انہوں نے کہا کہ اسلامو فوبیا عالمی امن اور بین المذاہب ہم آہنگی کے لیے ایک سنگین خطرہ ہے اور اس کے خاتمے کی ہر کوشش کو سراہتے ہیں۔وزیراعلی پنجاب نے اقوام متحدہ اور عالمی اداروں سے مطالبہ کیا کہ وہ نفرت انگیز رویوں کے خلاف مثر اقدامات کریں۔ مریم نواز نے کہا کہ اقوام عالم کو کشمیری، فلسطینی اور دیگر مسلمانوں کے حقوق کی حفاظت کو یقینی بنانا ہوگا۔ پنجاب حکومت مذہبی ہم آہنگی اور اقلیتوں کے حقوق کے تحفظ کے لیے ہر ممکن اقدام کر رہی ہے۔انہوں نے مزید کہا کہ اسلامو فوبیا سے نمٹنے کے لیے دنیا کو اسلام کے حقیقی تشخص سے روشناس کرانا ضروری ہے، اور ہر قسم کی منافرت کے خلاف آواز اٹھانا سب کی ذمہ داری ہے تاکہ پائیدار عالمی امن کے لیے مشترکہ کردار ادا کیا جا سکے۔