پیمرا ان ایکشن،مالی کرپشن اور عہدے کے ناجائز استعمال پر دو ملازمین کی چھٹی

اسلام آباد( اباسین خبر)پاکستان الیکٹرانک میڈیا ریگولیٹری اتھارٹی (پیمرا) نے مالی کرپشن اور اپنی پوزیشن کے ناجائز استعمال پر اپنے دو ملازمین کو برطرف کر دیا۔یہ کارروائی ایک شہری شاہد اقبال کی شکایت پر کی گئی تھی، جس میں کہا گیا تھا کہ ان ملازمین نے وزارت خارجہ میں نوکری دلانے کے لیے اس سے پیسے لیے تھے۔برطرف ہونے والے ملازمین میں قاسم عباس، جو سابقہ ڈپٹی ڈائریکٹر پیمرا ریجنل آفس گوجرانوالہ تھے، اور مجاہد عباس، جو سابق جونیئر اسسٹنٹ پیمرا ریجنل آفس ملتان میں کام کرتے تھے، شامل ہیں۔پیمرا کے مطابق، دونوں ملازمین نے ادارے کے خلاف سوشل میڈیا پر ہرزہ سرائی بھی کی تھی۔