سی ٹی ڈی کا بڑا آپریشن: خودکش بمبار گرفتار، لاہور میں حملے کی منصوبہ بندی ناکام

لاہور( اباسین خبر)برکی روڈ کے قریب سی ٹی ڈی اور دہشت گردوں کے درمیان شدید فائرنگ کا تبادلہ ہوا، جس کے نتیجے میں کالعدم تنظیم کا خودکش حملہ آور گرفتار کر لیا گیا۔فائرنگ کے دوران پکڑے جانے والے خودکش حملہ آور کا ساتھی زخمی حالت میں فرار ہوگیا۔ دہشت گرد کے قبضے سے خودکش جیکٹ، سیفٹی فیوز وائر اور بارودی مواد برآمد کر لیا گیا۔ خودکش بمبار کی شناخت بلوچستان کے رہائشی حافظ شمس کے طور پر ہوئی۔ترجمان سی ٹی ڈی کے مطابق، دہشت گردوں کی گرفتاری کے لیے انٹیلی جنس بیسڈ کارروائی کی گئی۔ دہشت گرد لاہور میں بڑے حملے کی منصوبہ بندی مکمل کرچکے تھے۔