ہم سب ایک فیملی ہیں،گورنر ہائوس کے دروازے عوامی مسائل کے حل کے لیے 24 گھنٹے کھلے ہیں:گورنر سندھ

کراچی( اباسین خبر)گورنر سندھ کامران خان ٹیسوری نے کہا کہ فوج کے حافظ سپہ سالار سرحدوں کی حفاظت کے ساتھ ساتھ ملک کی معیشت کی بہتری کے لیے بھی مصروف عمل ہیں۔گورنر سندھ کامران خان ٹیسوری نے افطار ڈنر سے خطاب کرتے ہوئے کہا کہ “آپ سب لوگ گورنر ہائوس کے اصل میزبان ہیں، ہم سب سبز ہلالی پرچم کے تحت ایک ہیں، گورنر ہائوس میں بلا تفریق لوگ آتے ہیں، اور آپ سب ٹیسوری فیملی کے ممبر ہیں۔”انہوں نے مزید کہا کہ “اگر میری بہن، بھائی یا ماں کو کوئی تنگ کرے تو وہ یہ کہے کہ میرا بھائی، میرا بیٹا گورنر ہے۔ گورنر ہائوس کے دروازے آپ کے مسائل کے حل کے لیے 24 گھنٹے کھلے ہیں۔ہم بغیر کسی اختیار کے 24 ہزار سکوائر فٹ ایریا میں 50 ہزار بچوں کو آئی ٹی کی تعلیم دے رہے ہیں۔”کامران خان ٹیسوری نے بلوچستان میں بولان کے شہدا کے ایصال ثواب کے لیے قرآن پاک پڑھنے کا بھی ذکر کیا اور کہا کہ اللہ تعالی ہماری افواج پاکستان کو ہمت و طاقت دے، جو دن رات ہماری سرحدوں کی حفاظت میں مصروف ہیں۔