بابر علی کا فہد مصطفی اور رجب بٹ کے تنازع پر بیچ بچا، افہام و تفہیم کی اپیل

لاہور( شوبزڈیسک)پاکستانی اداکار بابر علی نے حالیہ تنازع پر فہد مصطفی اور ٹک ٹاکر رجب بٹ کے درمیان تبصرہ کرتے ہوئے کہا ہے کہ دونوں شخصیات انڈسٹری کے قابلِ احترام افراد ہیں اور اس معاملے کو افہام و تفہیم سے حل کرنا چاہیے۔بابر علی نے اپنے کیریئر کے آغاز میں رجب بٹ کے ساتھ ڈرامہ “رانی” میں کام کرنے کا ذکر کیا اور کہا کہ رجب بٹ نے محنت اور لگن سے کام کیا ہے، جس کے نتیجے میں اللہ نے انہیں کامیابی دی۔ بابر علی کا کہنا تھا کہ رجب بٹ یوٹیوب پر بھی محنت کر رہے ہیں اور ان کی محنت کی قدر کرنی چاہیے۔فہد مصطفی کے بارے میں بابر علی نے کہا کہ وہ ایک بڑے ستارے ہیں اور انہوں نے ان کی پروڈکشن میں کام بھی کیا ہے۔ بابر علی کا خیال ہے کہ دونوں شخصیات کو ایک دوسرے کے خلاف سخت الفاظ استعمال کرنے سے بچنا چاہیے اور اس تنازعے کو افہام و تفہیم سے حل کرنے کی کوشش کرنی چاہیے۔یاد رہے کہ اس تنازعے کا آغاز اس وقت ہوا جب فہد مصطفی نے فیملی ولاگنگ پر تنقید کرتے ہوئے کہا تھا کہ وہ اپنی فیملی کو فروخت نہیں کر سکتے، جس پر رجب بٹ نے جواب دیا کہ وہ فہد مصطفی کو نہیں جانتے اور کسی کی عزت اس کے اعمال سے جڑی ہوتی ہے۔ بابر علی کا ماننا ہے کہ اس طرح کے تنازعات کو بڑھانے کے بجائے دونوں شخصیات کو مل بیٹھ کر مسائل کا حل نکالنا چاہیے تاکہ انڈسٹری میں ہم آہنگی برقرار رہے۔