6
کوئٹہ( کامرس ڈیسک) بلوچستان میں محکمہ خوراک کے گوداموں میں 8 لاکھ بوریاں گندم خراب ہونے کا خطرہ ہے۔ دو سال قبل محکمہ خوراک بلوچستان نے گندم کی 10 لاکھ بوریاں زمینداروں سے خرید کر سٹاک کی تھیں تاکہ گندم کی کمی کی صورت میں فلور ملز مالکان کو فراہم کی جا سکیں۔ تاہم، گزشتہ سال گندم کی اچھی فصل کی وجہ سے مارکیٹ میں آٹا اور گندم وافر مقدار میں دستیاب رہا، جس کے نتیجے میں موجودہ وقت میں گوداموں میں 8 لاکھ بوریاں گندم پڑی ہیں۔گوداموں میں بہتر سہولتوں کی کمی کی وجہ سے ان بوروں کی خراب ہونے کا خطرہ بڑھ گیا ہے۔ اس صورتحال کے پیش نظر صوبائی حکومت نے گندم اوپن مارکیٹ میں فروخت کرنے کی ہدایت کی ہے۔ تاہم، 2 سال قبل خریدی گئی گندم کی قیمت موجودہ قیمت سے زیادہ ہونے کی وجہ سے محکمہ خوراک کو بڑے پیمانے پر مالی نقصان کا اندیشہ ہے۔
