علی گونی نے رمضان المبارک میں عمرے کی سعادت حاصل کر لی

ممبئی ( شوبزڈیسک)بھارتی ٹیلی ویژن اسٹار علی گونی نے رمضان المبارک کے مقدس مہینے میں عمرہ ادا کر کے ایک روحانی سفر کی تکمیل کی۔ انہوں نے فوٹو اینڈ ویڈیو شیئرنگ پلیٹ فارم انسٹاگرام پر بیت اللہ کے سامنے احرام پہنے اپنی تصاویر شیئر کیں۔ ان تصاویر سے یہ ظاہر ہوتا ہے کہ علی گونی نے عمرہ ادا کر لیا ہے اور عمرے کی ادائیگی کے بعد سنت پر عمل کرتے ہوئے اپنا سر بھی منڈوا لیا۔علی گونی نے عمرے کی خوشی مداحوں کے ساتھ شیئر کرتے ہوئے ایک حدیث کا ترجمہ بھی پوسٹ کیا۔ انہوں نے کیپشن میں لکھا کہ “الحمدللہ، رمضان میں عمرہ ادا کرنا حج کے برابر ہے” اور حضرت محمد صلی اللہ علیہ وسلم کے فرمان کے مطابق رمضان میں عمرہ ادا کرنا حج کے برابر ہے۔ان کی یہ پوسٹ سوشل میڈیا پر تیزی سے وائرل ہو گئی، اور مداحوں نے انہیں عمرے کی ادائیگی پر مبارکباد دی اور خوشی کا اظہار کیا۔