سندھ کے لوگوں کو مفت بجلی کی فراہمی کیلئے اقدامات کر رہے ہیں: وزیراعلی سندھ

کراچی( اباسین خبر)وزیراعلی سندھ مراد علی شاہ نے کہا کہ ہر گھر کو سستی اور متبادل توانائی فراہم کرنا حکومت کا مشن ہے۔سولر پینلز کی تقسیم کی تقریب سے خطاب کرتے ہوئے انہوں نے کہا کہ تین لاکھ سولر سسٹمز کی خریداری کا عمل شروع کر دیا گیا ہے، اور سندھ کے غریب عوام کو مفت بجلی فراہم کرنے کے اقدامات کیے جا رہے ہیں۔ انہوں نے کہا کہ موسمیاتی تبدیلیوں سے نمٹنے کے لیے گرین انرجی کی ضرورت ہے۔مراد علی شاہ نے مزید کہا کہ پاکستان کا مستقبل گرین انرجی میں ہے، اور تھر میں وفاق کے ساتھ مل کر ریلوے لائن بچھا رہے ہیں۔ اپوزیشن پر تنقید کرتے ہوئے انہوں نے کہا کہ انہیں کچھ نہیں ملتا سوائے پراپیگنڈا کے۔