جاپان: نصف صدی کی بدترین جنگل کی آگ بے قابو، 1 شخص ہلاک

جاپان( مانیٹرنگ ڈیسک)جاپان میں نصف صدی کی بدترین جنگل کی آگ بے قابو ہو گئی، جس کے نتیجے میں 1 شخص ہلاک اور 4,000 سے زائد افراد کو محفوظ مقامات پر منتقل کر دیا گیا ہے۔ریسکیو حکام کے مطابق، آگ سے 80 عمارتیں متاثر ہو چکی ہیں۔غیر ملکی میڈیا کے مطابق، شمالی شہر اوفوناٹو کے قریب آگ نے 2,600 ہیکٹر سے زیادہ رقبہ جلا دیا، جو نیویارک کے سینٹرل پارک کے رقبے سے 7 گنا بڑا ہے۔رواں سال خشک موسم اور گزشتہ سال کی ریکارڈ گرمی کی وجہ سے آگ کی شدت میں اضافہ ہوا ہے۔2,000 سے زائد فائر فائٹرز اور ہیلی کاپٹرز آگ بجھانے میں مصروف ہیں۔