لاہور(اباسین خبر) انسداد دہشت گردی عدالت نے نومئی جناح ہائوس کے قریب پولیس کی گاڑیاں جلانے کے تین مقدمات میں شاہ محمود قریشی سمیت پی ٹی آئی رہنماں اور کارکنوں پر ترمیمی فرد جرم عائد کر دیانسداد دہشت گردی عدالت کے جج منظر علی گل نے کوٹ لکھپت جیل میں مقدمے کی سماعت کی، جہاں ملزمان نے ترمیمی فرد جرم کی صحت سے انکار کیا۔ عدالت نے تینوں مقدمات میں ملزمان پر ترمیمی فرد جرم عائد کی، اور شاہ محمود قریشی سمیت دیگر پر دوبارہ فرد جرم عائد کی گئی۔شاہ محمود قریشی، عمر سرفراز چیمہ، ڈاکٹر یاسمین راشد اور دیگر زیر حراست ملزمان کی حاضری مکمل کی گئی۔ عدالت میں عالیہ حمزہ، صنم جاوید اور خدیجہ شاہ سمیت دیگر ملزمان بھی پیش ہوئے۔ عدالت نے گواہوں کو 6 مارچ کو بیان ریکارڈ کرانے کے لیے طلب کر لیا۔پراسیکوشن نے فرد جرم میں ترمیم کی درخواست کی تھی، جسے عدالت نے منظور کرتے ہوئے پراسکیوشن کو فرد جرم میں ترمیم کی اجازت دی۔واضح رہے کہ پی ٹی آئی رہنماں اور کارکنوں پر بغاوت اور فسادات پر اکسانے کے الزام میں سنگین دفعات کے تحت مقدمات درج ہیں۔
شاہ محمود سمیت پی ٹی آئی رہنماؤں اور کارکنوں پرترمیمی فرد جرم عائد
2
