بلوچستان میں کل سے ایک اور طاقتور مغربی اسپیل کا الرٹ جاری

چمن ( اباسین خبر)صوبائی ڈیزاسٹر مینجمنٹ اتھارٹی (پی ڈی ایم اے) نے بلوچستان میں کل سے ایک اور طاقتور مغربی اسپیل کے الرٹ جاری کر دیے ہیں۔ پی ڈی ایم اے کے مطابق، یہ مغربی موسمی سسٹم کل 2 مارچ کو بلوچستان میں داخل ہونے کا امکان ہے اور اتوار دوپہر سے شام تک مغربی لہر بلوچستان کو متاثر کر سکتی ہے۔پی ڈی ایم اے کا کہنا ہے کہ چمن، زیارت، نوشکی، مستونگ، پشین، قلعہ سیف اللہ، قلعہ عبداللہ، چاغی، خاران، قلات، سوراب، خضدار، بارکھان، ہرنائی، دکی، موسی خیل، ژوب اور شیرانی جیسے علاقے سسٹم کے زیر اثر رہیں گے۔پی ڈی ایم اے کے مطابق، 2 مارچ سے بارش، آندھی، گرج چمک اور پہاڑوں پر برفباری کا امکان ہے۔ لہذا، برفباری، طوفان اور سیلاب کے دوران مسافروں اور سیاحوں کو غیر ضروری سفر سے گریز کرنے کی ہدایت کی گئی ہے۔پی ڈی ایم اے نے تیز ہواں کے دوران شہریوں کو گھروں میں رہنے اور احتیاط کرنے کی ہدایت کی ہے، جب کہ تمام متعلقہ اداروں کو بھی الرٹ رہنے اور ضروری اقدامات کرنے کی ہدایات جاری کی گئی ہیں۔