پاکستان میں معاشی استحکام مضبوط ہورہا ہے: کنٹری ڈائریکٹر ورلڈ بینک

اسلام آباد( کامرس ڈیسک)ورلڈ بینک کے کنٹری ڈائریکٹر برائے پاکستان، ناجے بنحیسن نے کہا ہے کہ پاکستان میں معاشی استحکام مضبوط ہو رہا ہے، جس کے نتیجے میں پاکستان کو 10 سالہ ترقیاتی منصوبے پر دستخط کرنے کا موقع مل گیا ہے۔ناجے بنحیسن کے مطابق یہ منصوبہ نئے کنٹری پارٹنرشپ فریم ورک کے تحت 20 ارب ڈالر کے ترقیاتی قرضے پر مشتمل ہو گا، جو خاص طور پر صاف توانائی اور ماحولیاتی بحالی جیسے شعبوں میں استعمال کیا جائے گا۔ انہوں نے مزید کہا کہ اس منصوبے کا آغاز 2026 سے ہو گا، اور یہ طویل المدتی ترقیاتی منصوبے ورلڈ بینک گروپ کی ترجیحات سے ہم آہنگ ہیں۔اس منصوبے کی تکمیل پاکستان کی معاشی ترقی کے لیے ایک اہم قدم ثابت ہو سکتی ہے، کیونکہ اس سے نہ صرف ملک کی توانائی کی ضروریات پوری ہوں گی، بلکہ ماحولیاتی تحفظ میں بھی مدد ملے گی۔