آسٹریلوی بیٹر میتھیو شارٹ کے چیمپئنز ٹرافی سے باہر ہونے کا خدشہ

لاہور( سپورٹس ڈیسک)آسٹریلیا کرکٹ ٹیم کے بیٹر میتھیو شارٹ کے آئی سی سی چیمپئنز ٹرافی سے باہر ہونے کا خدشہ ہے۔میتھیو شارٹ انجری کا شکار ہو گئے ہیں اور وہ چیمپئنز ٹرافی کے سیمی فائنل میں شرکت نہیں کر پائیں گے۔ آسٹریلیا کا سیمی فائنل بھارت یا نیوزی لینڈ کے خلاف آئندہ ہفتے ہو گا۔میتھیو شارٹ افغانستان کے خلاف میچ میں گھٹنے کی انجری کا شکار ہوئے تھے۔اس حوالے سے آسٹریلوی کپتان اسٹیو اسمتھ کا کہنا ہے کہ “میرا نہیں خیال کہ میتھیو شارٹ سیمی فائنل کے لیے فٹ ہوں گے، وہ مشکل میں ہیں اور زیادہ موومنٹ نہیں کر سکتے۔” اسٹیو اسمتھ نے مزید کہا کہ “میتھیو شارٹ کے فٹ ہونے کے لیے وقت کافی نہیں ہے۔”ذرائع نے بتایا ہے کہ اگر میتھیو شارٹ فٹ نہ ہو سکے تو ان کی جگہ جیک فریزر میکگرک کو شامل کیا جا سکتا ہے۔