اوگرا نے ایل پی جی کی قیمتوں میں کمی کر دی

اسلام آباد( کامرس ڈیسک)آئل اینڈ گیس ریگولیٹری اتھارٹی (اوگرا) نے ایل پی جی کی قیمتوں میں کمی کا اعلان کر دیا ہے۔اوگرا کی جانب سے ایل پی جی کی قیمت میں 6.15 روپے فی کلوگرام کمی کی گئی ہے، جس کے بعد ایل پی جی کی نئی قیمت 247 روپے 82 پیسے فی کلوگرام مقرر کر دی گئی ہے۔اوگرا کی جانب سے اس فیصلے کا نوٹیفکیشن بھی جاری کر دیا گیا ہے۔ ایل پی جی قیمتوں میں کمی کے بعد 11.8 کلوگرام کا گھریلو سلنڈر 72 روپے سستا ہو گیا ہے، اور اس کی نئی قیمت 2924 روپے مقرر کی گئی ہے۔