صدر مملکت دوبارہ لاہور پہنچ گئے، نوازشریف اور مریم نواز سے ملاقات متوقع

لاہور( اباسین خبر)صدر پاکستان آصف علی زرداری اسلام آباد سے لاہور واپس پہنچ گئے۔صدر مملکت آصف علی زرداری نے اسلام آباد میں ایک روز قیام کے بعد لاہور کا سفر کیا۔ ان کا گزشتہ دورہ لاہور پانچ روز پر محیط تھا۔ اس دورے کے دوران ان کی مسلم لیگ ن کے صدر میاں نواز شریف اور وزیر اعلی پنجاب مریم نواز سے ملاقات متوقع ہے۔ذرائع کے مطابق، آصف زرداری سے وفاقی وزیر محسن نقوی کی ملاقات بھی ہو سکتی ہے، جس میں پیپلز پارٹی کو پنجاب میں درپیش مسائل پر تبادلہ خیال کیا جائے گا۔ ملاقات میں گورنر پنجاب سردار سلیم حیدر بھی موجود ہوں گے اور پنجاب میں پیپلز پارٹی کے تحفظات دور کرنے کے لیے اہم فیصلے کیے جائیں گے۔آصف زرداری کے گزشتہ دورے کے دوران پیپلز پارٹی جنوبی پنجاب کی تنظیم سے ملاقاتیں کی گئی تھیں، جبکہ اس بار پیپلز پارٹی وسطی پنجاب کے رہنماں سے ملاقاتیں ہوں گی۔ صدر زرداری کی لاہور میں کچھ نجی مصروفیات بھی ہیں۔