3
کوئٹہ( اباسین خبر) بلوچستان اسمبلی کا اجلاس آج جمعتہ المبارک سہ پہر تین بجے ہوگا۔جاری کردہ اعلامیہ کے مطابق، اجلاس میں موجودہ ایوان کو منہدم کر کے نیا ہال کسی متبادل مقام پر تعمیر کرنے سے متعلق رائے لی جائے گی۔ اس کے علاوہ، بلوچستان اسمبلی کی سالانہ کارکردگی رپورٹ پیش کی جائے گی، اور بلوچستان مائنز اینڈ منرلز کا مسودہ قانون بھی پیش کیا جائے گا۔اعلامیہ میں بتایا گیا کہ اجلاس میں بلوچستان پراونشل موٹر وہیکلز (ترمیمی) مسودہ قانون اور پی سی ایس سمیت دیگر مسابقتی امتحانات کی attempts کی تعداد کو تین سے بڑھا کر پانچ کرنے کی قرارداد پیش کی جائے گی۔ علاوہ ازیں، ایئر لائنز کے کرایوں میں کمی کی قرارداد بھی پیش ہوگی۔
