2
لاہور( اباسین خبر)مذہبی رسومات کی ادائیگی کے لیے بھارتی ہندو یاتری آج واہگہ کے راستے پاکستان پہنچے ہیں۔ ایک خاتون سمیت 120 سے زائد بھارتی ہندو یاتری ایک ہفتہ تک پاکستان میں قیام کریں گے۔ان یاتریوں کا پہلا قیام گردوارہ ڈیرہ صاحب میں ہوگا، جہاں وہ آج رات گزاریں گے۔ کل، یاتری کٹاس راج روانہ ہوں گے، جہاں وہ 26 فروری کو اپنے مذہبی رسومات ادا کریں گے۔یاتریوں نے پاکستان میں سیکیورٹی کی صورتحال پر اطمینان کا اظہار کیا، اور کہا کہ انہیں یہاں آ کر دلی خوشی محسوس ہوتی ہے۔ ان کا کہنا تھا کہ واہگہ بارڈر پر بھرپور استقبال کیا گیا، جس کے لیے وہ شکر گزار ہیں۔ انہوں نے یہ بھی کہا کہ دونوں ممالک کے لوگوں کو ایک دوسرے کے ملک میں آنا چاہیے اور ایک دوسرے کے ساتھ تعلقات کو مزید مستحکم کرنا چاہیے۔
