9
سبی( سپورٹس ڈیسک)سبی کا سالانہ تاریخی میلہ مویشیاں آج سے شروع ہو رہا ہے، اور ضلعی انتظامیہ نے اس کے شایان شان انعقاد کے لیے تمام تر انتظامات مکمل کر لیے ہیں۔سبی میلہ مویشیاں و اسپاں 13 فروری سے 17 فروری تک جاری رہے گا، جس میں ملک بھر سے مالدار حضرات شریک ہوں گے۔ میلے میں بلوچستان کے معاشی سرگرمیوں جیسے مالداری، زراعت، دستکاری کے علاوہ معاشرتی طرز حیات و فنون لطیفہ کے حوالے سے سٹالز اور مختلف پروگرامز ترتیب دیے گئے ہیں۔اس میلے میں بلوچستان کے ثقافتی و معاشرتی رنگوں کو خصوصی طور پر اجاگر کیا جائے گا۔اس تاریخی میلے کا افتتاح صوبائی وزیر صنعت و حرفت سردار کوہیار ڈومکی کریں گے، جبکہ اختتامی تقریبات میں گورنر بلوچستان، وزیراعلی بلوچستان اور دیگر وفاقی و صوبائی وزرا کی شرکت متوقع ہے۔
