اسرائیلی وزیراعظم کی حماس سے جنگ دوبارہ شروع کرنے کی دھمکی

تل ابیب( مانیٹرنگ ڈیسک)اسرائیلی وزیراعظم نیتن یاہو نے جنگ دوبارہ شروع کرنے کی دھمکی دے دی۔اسرائیلی وزیراعظم نیتن یاہو نے کہا کہ اسرائیلی فوج دوبارہ شدید لڑائی کرے گی جو حماس کو مکمل شکست دینے تک جاری رہے گی۔ اس مقصد کے لیے اسرائیل نے ریزرو فوجیوں کو بھی طلب کر لیا ہے۔عرب میڈیا کے مطابق اسرائیل اور حماس کے درمیان دوبارہ جنگ چھڑ سکتی ہے، اور اسرائیل ماضی میں قیدیوں کی رہائی کے بعد جنگ شروع کرنے کی دھمکیاں دیتا رہا ہے۔عرب میڈیا نے مزید بتایا کہ نیتن یاہو کی ڈونلڈ ٹرمپ سے ملاقات کے بعد غزہ پر حملے کو ضروری سمجھا جا رہا ہے۔