9
پیرس( مانیٹرنگ ڈیسک)سفرانس نے غزہ کے لوگوں کو بے گھر کرنے کی امریکی صدر کی تجویز مسترد کر دی۔فرانس کے صدر ایمنوئل میکرون نے امریکی میڈیا کو دیے گئے انٹرویو میں غزہ کی پٹی سے متعلق امریکی صدر ڈونلڈ ٹرمپ کے منصوبے کو تنقید کا نشانہ بنایا۔ فرانسیسی صدر نے کہا کہ غزہ کی تعمیر نو کی کارروائی کا یہ مطلب نہیں کہ اس کی آبادی کو بے دخل کر کے عدم احترام کا نشانہ بنایا جائے۔میکرون نے فلسطینیوں اور ان کے عرب ہمسایہ ممالک کے احترام کی ضرورت پر زور دیتے ہوئے کہا کہ غزہ کی صورت حال کو صرف پراپرٹی ڈیل کے ذریعے حل نہیں کیا جا سکتا۔ انہوں نے مزید کہا کہ غزہ کے لوگوں سے یہ مطالبہ نہیں کیا جا سکتا کہ وہ اپنی سرزمین چھوڑ کر چلے جائیں۔فرانسیسی صدر کے مطابق، امریکا 20 لاکھ غزہ کے افراد کو منتقل کرنے کا فیصلہ نہیں کر سکتا ہے۔
