پیرس میں مودی کو ہزیمت کا سامنا، فرانسیسی صدر نے ہاتھ نہ ملایا

پیرس( مانیٹرنگ ڈیسک)فرانسیسی صدر ایمانوئل میکرون نے بھارتی وزیر اعظم نریندر مودی کو عالمی رہنماں سے مصافحہ کرتے ہوئے نظر انداز کر دیا، جس کی ویڈیو سوشل میڈیا پر وائرل ہو گئی۔فرانس کے صدر ایمانوئل میکرون پیرس میں ہونے والی مصنوعی ذہانت سے متعلق سمٹ میں پہنچے، جہاں انہوں نے عالمی رہنماں سے ایک ایک کر کے ہاتھ ملایا۔ اس موقع پر جب وہ نریندر مودی کی نشست کے قریب پہنچے تو بھارتی وزیر اعظم نے ہاتھ بڑھایا، تاہم میکرون نے انہیں نظر انداز کرتے ہوئے ان کے ساتھ بیٹھے امریکی نائب صدر جے ڈی وانس اور اقوام متحدہ کے سیکرٹری جنرل انتونیو گوتریس سے مصافحہ کیا۔ویڈیو میں دیکھا جا سکتا ہے کہ میکرون نے یورپی کمیشن کی صدر ارسلا وون دیرلائن سے بھی بہت تپاک سے مصافحہ کیا، تاہم بھارتی وزیر اعظم کو نظر انداز کرنے کا واقعہ خاصا توجہ کا مرکز بن گیا ہے۔