فلسطینیوں کو ان کی سرزمین سے بے دخل کرنا سنگین جرم ہوگا: شام

دمشق( مانیٹرنگ ڈیسک)شام نے کہا ہے کہ فلسطینیوں کو ان کی سرزمین سے بے دخل کرنا ایک سنگین جرم ہوگا۔ شام کے عبوری صدر احمد الشرع نے برطانوی میڈیا کو انٹرویو دیتے ہوئے کہا کہ دنیا کی کوئی طاقت فلسطینیوں کو ان کے وطن سے نہیں نکال سکتی۔انہوں نے مزید کہا کہ امریکی صدر کے لیے فلسطینیوں کو اپنی سرزمین چھوڑنے کی مہم کی قیادت کرنا دانشمندی نہیں ہے۔الشرع نے کہا کہ وہ ساحلی پٹی کے کچھ حصے مشرق وسطی کے دیگر ممالک کو تعمیر نو کی کوششوں میں مدد کے لیے دے سکتے ہیں، تاہم انہوں نے اس کی مزید وضاحت نہیں کی۔ دوسری جانب عرب ممالک اور عالمی سطح پر ان کے اس منصوبے کی سخت مخالفت کی گئی ہے۔یاد رہے کہ امریکی صدر نے صدارتی طیارے میں سفر کرتے ہوئے کہا تھا کہ وہ غزہ کو خریدنے اور اس کی ملکیت کے لیے پرعزم ہیں۔