6
پشاور( اباسین خبر)خیبر پختونخوا اسمبلی کے باہر احتجاج کے دوران مشتعل افراد نے خاتون کی لاش رکھ کر ایڈیشنل اسسٹنٹ کمشنر (اے اے سی) پر قتل کا الزام عائد کیا۔ مظاہرین کا کہنا تھا کہ 7 فروری کو قبضہ مافیا کے لیے گھر خالی کراتے وقت اے اے سی نے بیوہ خاتون پر مبینہ طور پر تیل چھڑک کر آگ لگا دی تھی، جس سے خاتون شدید زخمی ہو گئی اور کئی دن اسپتال میں داخل رہنے کے بعد آج صبح انتقال کر گئی۔مظاہرین نے احتجاج کرتے ہوئے خیبر روڈ کو ٹریفک کے لیے بند کر دیا اور مطالبہ کیا کہ ایڈیشنل اسسٹنٹ کمشنر کے خلاف ایف آئی آر درج کی جائے۔ مظاہرین کا کہنا تھا کہ یہ واقعہ ظلم کی انتہا ہے اور انہیں انصاف چاہیے۔بعد ازاں پولیس سے مذاکرات کے بعد مظاہرین نے احتجاج ختم کیا اور روڈ کھول دیا۔ پولیس نے واقعے کی ایف آئی آر درج کرنے کی یقین دہانی کرائی۔
