شیر افضل مروت کا پارٹی جلسوں میں بلائے بغیر شرکت نہ کرنے کا فیصلہ

پشاور( اباسین خبر)پاکستان تحریک انصاف (پی ٹی آئی) کے رہنما شیر افضل مروت نے پارٹی کے جلسوں میں بلائے بغیر شرکت نہ کرنے کا فیصلہ کر لیا۔ انہوں نے کہا کہ جب تک قیادت خود نہ بلائے، وہ کسی بھی جلسے میں شرکت نہیں کریں گے۔شیر افضل مروت کا کہنا تھا کہ وہ نہیں چاہتے کہ قیادت ان کی وجہ سے تکلیف محسوس کرے۔ انہوں نے یہ بھی انکشاف کیا کہ کچھ لوگ انہیں اسٹیج پر تقریر کرتے ہوئے نہیں دیکھنا چاہتے، حالانکہ انہوں نے ہمیشہ پی ٹی آئی کے حق میں بات کی ہے۔