انڈونیشیا: کم عمری کی اموات کیخلاف مفت اسکریننگ کا آغاز

انڈونیشیا ( ہیلتھ ڈیسک)انڈونیشیا نے سالانہ مفت صحت اسکریننگ مہم کا آغاز کر دیا ہے، جس کی مالیت 183.54 ملین ڈالرز ہے۔ اس مہم کا مقصد کم عمری میں اموات کو روکنا ہے اور وزارتِ صحت نے اسے اپنے سب سے بڑے اقدام کے طور پر پیش کیا ہے۔اس پروگرام کے تحت تمام انڈونیشی باشندوں کو ان کے یومِ پیدائش پر مفت اسکریننگ کی سہولت فراہم کی جائے گی، جس میں بلڈ پریشر، دل کی بیماریوں، فالج کے خطرے کا تعین کرنے کے لیے ٹیسٹ اور آنکھوں کے ٹیسٹ شامل ہیں۔وزارتِ صحت کے مطابق، ابتدائی طور پر یہ پروگرام 6 سال سے کم عمر بچوں اور 18 سال یا اس سے زیادہ عمر کے افراد کے لیے دستیاب ہوگا۔انڈونیشیا میں اموات کی سب سے بڑی وجوہات میں فالج، دل کی بیماریاں، اور ٹی بی شامل ہیں، اور یہ مہم ان بیماریوں کے پھیلا کو روکنے کی کوشش کرے گی۔