اسٹیڈیمز کی اَپ گریڈیشن؛ نئی لُک دیکھ کر بھارت حیران رہ گیا

لاہور( سپورٹس ڈیسک)پاکستان کرکٹ بورڈ (پی سی بی) نے نیشل اسٹیڈیم کراچی، قذافی اسٹیڈیم لاہور اور راولپنڈی اسٹیڈیمز کی اپ گریڈیشن کے حوالے سے بھارتی میڈیا کی منفی خبروں کو ایک ویڈیو کے ذریعے کرارا جواب دیا ہے۔گزشتہ روز پی سی بی نے قذافی اسٹیڈیم کی اپ گریڈیشن کی ایک ویڈیو جاری کی، جس نے بھارتی میڈیا اور ان کے بورڈ کو حیران کن ردعمل دیا۔ ویڈیو کے کیپشن میں لکھا گیا تھا: “کپ شاندار قذافی اسٹیڈیم کی نیو لک، یہ دلکش منظر دیکھنے کے بعد آپ کن الفاظ کا انتخاب کریں گے؟ ہم سہ ملکی سیریز اور چیمپئنز ٹرافی کیلئے شائقین، آفیشلز اور ٹیموں کو خوش آمدید کہنے کا انتظار نہیں کرسکتے۔”اس سے قبل بھارتی میڈیا اسٹیڈیمز کی اپ گریڈیشن کے حوالے سے مسلسل منفی خبریں پھیلا رہا تھا، اور دعوی کر رہا تھا کہ اگر اسٹیڈیم کی تزئین و آرائش مکمل نہ ہوئی تو آئی سی سی ٹورنامنٹ کو کسی دوسرے مقام پر منتقل کیا جا سکتا ہے۔ بھارتی میڈیا کا یہ بھی کہنا تھا کہ نیشنل اسٹیڈیم کراچی اور قذافی اسٹیڈیم لاہور میں ترقیاتی کام سست ہونے کے باعث بورڈ نے صحافیوں کو اسٹیڈیم جانے کی اجازت نہیں دی۔آئی سی سی چیمپئنز ٹرافی کا آغاز 19 فروری سے پاکستان اور نیوزی لینڈ کے درمیان میچ سے ہو گا، اور اس سے قبل پاکستان ان میدانوں پر سہ ملکی سیریز کی میزبانی بھی کرے گا۔