فوسل فیول سے بنے پلاسٹک کا ماحول دوست متبادل تیار

بیجنگ ( مانیٹرنگ ڈیسک) پائن کے درخت سے حاصل ہونے والا مواد (لِنجنِن) روایتی پیٹرولیم پر مبنی کیمیکلز کا متبادل بن سکتا ہے، جس سے نہ صرف ماحولیاتی آلودگی کو کم کرنے میں مدد ملے گی بلکہ صنعتی پیداوار میں بھی تبدیلی آئے گی۔پولی یوریتھین فوم کی عالمی مارکیٹ کی وسعت کے پیش نظر، اس نئی اختراع سے نہ صرف فوسل ایندھن کی مقدار کم ہو گی بلکہ فوم کی پیداوار میں ماحول دوست طریقے اپنانے سے ماحولیاتی اثرات بھی کم ہوں گے۔ یہ مواد کچن کے اسفنج سے لے کر انسولیشن اور پیکجنگ تک مختلف شعبوں میں استعمال ہو سکتا ہے۔واشنگٹن اسٹیٹ یونیورسٹی کے محققین کا یہ اقدام نہ صرف سائنسی کمیونٹی کے لیے ایک اہم سنگ میل ہے، بلکہ یہ صنعتی سطح پر بھی تبدیلی کا باعث بن سکتا ہے، جہاں پیٹرولیم کی مصنوعات کی بجائے ماحول دوست متبادل کا استعمال شروع ہو سکتا ہے۔ اس تحقیق کے نتائج کا مزید پھیلا مستقبل میں توانائی کی بچت اور قدرتی وسائل کے تحفظ میں مددگار ثابت ہو سکتا ہے۔