ایلون مسک کا سلامی دینے کا متناع انداز، ایکس کے لنکس پر پابندی عائد

کیلیفورنیا( مانیٹرنگ ڈیسک) ایلون مسک کی طرف سے ہٹلر طرز کی سلامی کے باعث ایکس (پہلے ٹویٹر) پر نفرت انگیز مواد اور انتہا پسندی کے بڑھتے ہوئے خطرات پر تشویش کا اظہار کیا گیا ہے۔ ریڈٹ کے متعدد سب-ریڈیٹس نے اس ردعمل میں X کے لنکس پر پابندی عائد کر دی، جن میں بڑے کمیونٹیز جیسے NBA، فورمولا 1، نائنٹینڈو اور دیگر شامل ہیں۔ان کمیونٹیز کا موقف یہ ہے کہ وہ اپنے پلیٹ فارمز کو غیر سیاسی اور غیر متنازعہ رکھنا چاہتے ہیں، اور نفرت انگیز تقاریر یا انتہا پسند رویوں کو نہ تو برداشت کرتے ہیں اور نہ ہی ان کی تشہیر کرنا چاہتے ہیں۔ اس کا مقصد سوشل میڈیا کے ذریعے منفی یا زہریلی ثقافت کو پھیلانے کی روک تھام کرنا ہے۔یہ صورتحال اس بات کا اشارہ کرتی ہے کہ سوشل میڈیا کے پلیٹ فارمز پر ذاتی یا سیاسی بیانات کے اثرات کس قدر گہرے ہو سکتے ہیں، اور ان کا سامنا کمیونٹیز کی جانب سے مختلف ردعمل کی صورت میں ہوتا ہے۔ ایلون مسک کی اس حرکت کے بعد ایکس کا موقف اور اس کی مستقبل کی پالیسیوں پر مزید سوالات اٹھائے جا رہے ہیں۔