رات کو جلدی سونا کئی فوائد کی حامل عادت

کراچی ( ہیلتھ ڈیسک) نیند کی اہمیت ہر عمر کے افراد کے لیے لازمی ہے، اور جلد سونا مختلف جسمانی اور ذہنی فوائد فراہم کرتا ہے۔جلدی سونے سے نہ صرف جسم کو آرام ملتا ہے بلکہ یہ قوت مدافعت کے نظام کو بھی مضبوط بناتا ہے، جس سے بیماریوں سے بچا میں مدد ملتی ہے۔ ہارمونز کی مناسب سطح کا برقرار رہنا اور دماغی صحت پر اس کا مثبت اثر یادداشت، توجہ اور فیصلہ سازی کو بہتر بناتا ہے۔اس کے علاوہ، دل کی صحت، سوزش کا کم ہونا، اور جلد کی حالت میں بہتری جیسے فوائد سے یہ واضح ہوتا ہے کہ نیند کا معیار ہماری عمومی صحت پر کس قدر اثرانداز ہوتا ہے۔ اگرچہ نیند کی مقدار کا انحصار فرد کی عمر اور ضروریات پر ہوتا ہے، ماہرین کی تجویز کردہ نیند کی مقدار بالغوں کے لیے 6 سے 7 گھنٹے اور بچوں کے لیے اس سے زیادہ ہوتی ہے۔جلدی سونے اور مناسب نیند کو اپنی روزمرہ زندگی کا حصہ بنا کر ہم بہتر صحت اور تندرستی حاصل کر سکتے ہیں۔