گزشتہ ہفتے کے مقبول اسمارٹ فونز کی فہرست جاری

کراچی ( ہیلتھ ڈیسک)گزشتہ ہفتے ٹرینڈنگ میں رہنے والے اسمارٹ فونز کی فہرست جاری کی گئی، جس کے مطابق سام سنگ گلیکسی ایس 25 الٹرا پہلے نمبر پر ہے، جسے سام سنگ 22 جنوری کو اپنے ایک ان پیک ایونٹ میں متعارف کرائے گا۔ اس کے باوجود یہ فون انٹرنیٹ صارفین کی توجہ کا مرکز بنا ہوا ہے۔فہرست میں دوسرے نمبر پر پوکو ایکس 7 پرو موجود ہے، جبکہ تیسرے نمبر پر سام سنگ گلیکسی اے 55، اور چوتھے نمبر پر سام سنگ گلیکسی ایس 24 الٹرا ہے۔اس کے علاوہ، ریڈمی نوٹ 14 پرو پلس پانچویں، ریئل می 14 پرو+ چھٹے، اور آئی فون پرو میکس ساتویں نمبر پر ہیں۔ مزید برآں، ریڈمی نوٹ 13 پرو آٹھویں، ون پلس 13 نویں، اور سام سنگ گلیکسی اے 16 دسویں نمبر پر براجمان ہیں۔