نوشہرہ: گھر میں گیس لیکج سے دھماکہ، 2 بچوں سمیت 4 افراد جھلس گئے

نوشہرہ( اباسین خبر) گیس لیکج کے باعث گھر میں دھماکہ، 2 بچوں سمیت 4 افراد زخمی ہو گئے۔ریسکیو ذرائع کے مطابق یہ واقعہ بدرشی محلہ میں پیش آیا، جہاں رات بھر چولہا کھلا رہا۔ ناشتہ بنانے کے دوران خاتون نے ماچس جلائی تو اچانک دھماکہ ہو گیا۔حادثے میں میاں، بیوی اور دو بچوں سمیت 4 افراد جھلس کر زخمی ہو گئے۔ دھماکے سے مکان کو جزوی نقصان پہنچا۔ زخمیوں کو قاضی حسین احمد میڈیکل کمپلیکس منتقل کر دیا گیا، جہاں باپ اور بیٹے کی حالت تشویشناک بتائی جاتی ہے۔