3
اسلام آباد( مانیٹرنگ ڈیسک)پی ٹی سی ایل کے ترجمان کے مطابق، اے اے ای-1 سب میرین کیبل کی خرابی سے پیدا ہونے والی انٹرنیٹ کی سست رفتاری کو ریکارڈ وقت میں حل کر لیا گیا ہے اور اے اے ای-1 کی مکمل بحالی کر دی گئی ہے۔ترجمان نے بتایا کہ انٹرنیٹ سروسز اب مکمل طور پر بحال ہو گئی ہیں اور برازنگ میں کوئی رکاوٹ نہیں ہے۔ خلل کو کم سے کم کرنے کے لیے اضافی بینڈوڈتھ بھی شامل کی گئی ہے۔انہوں نے مزید کہا کہ میٹا سروسز (واٹس ایپ، فیس بک، انسٹاگرام) بھی مکمل طور پر بحال ہو گئی ہیں اور پی ٹی اے اور پی ٹی سی ایل کی ٹیموں نے کنیکٹیویٹی کی مکمل بحالی کے لیے انتھک محنت کی۔پی ٹی سی ایل کی جانب سے اپنے صارفین کے صبر اور تعاون کا شکریہ بھی ادا کیا گیا۔
