یکم جنوری 2025 سے درجنوں فونز پر واٹس ایپ کام نہیں کرے گا

کیلیفورنیا( مانیٹرنگ ڈیسم)سال 2025 کے آغاز پر ان صارفین کو بڑا جھٹکا لگنے والا ہے جن کے پاس پرانے آپریٹنگ سسٹم پر چلنے والے اینڈرائیڈ فونز ہیں، کیونکہ نئے سال سے واٹس ایپ ان فونز پر سپورٹ فراہم کرنا بند کر دے گا۔واٹس ایپ کی جانب سے جاری کردہ بیان کے مطابق، اینڈرائیڈ کٹ کیٹ (اینڈرائیڈ 4.4) پر چلنے والے فونز کی سپورٹ ختم کر دی جائے گی۔ یہ آپریٹنگ سسٹم ایک دہائی قبل متعارف کرایا گیا تھا، یعنی جن صارفین کے پاس 2014 یا اس سے قبل کے اینڈرائیڈ فونز ہیں، ان پر واٹس ایپ نہیں چلایا جا سکے گا۔کمپنی نے بتایا کہ یکم جنوری 2025 سے سام سنگ کے گلیکسی ایس 3، ایس نوٹ 2، گلیکسی ایس 4 منی، موٹرولا موٹو جی (فرسٹ جنریشن)، ریزر ایچ ڈی، موٹو ای 2014، ایچ ٹی سی ون ایکس، ون ایکس پلس، ڈیزائر 500 اور ڈیزائر 601 جیسے فونز پر واٹس ایپ استعمال نہیں ہو سکے گا۔اس کے علاوہ، ایل جی کے آپٹیمس جی، نیکسز 4، جی 2 منی اور ایل 90، اور سونی کے ایکسپیریا زی، ایکسپیریا ایس پی، ایکسپیریا ٹی اور ایکسپیریا وی جیسے فونز بھی واٹس ایپ کی سپورٹ سے محروم ہو جائیں گے۔اگر آپ ان پرانے سمارٹ فونز کو استعمال کر رہے ہیں، تو آپ کو اپنا واٹس ایپ ڈیٹا کسی نئی ڈیوائس پر منتقل کرنا ہوگا، ورنہ یکم جنوری کے بعد آپ کا تمام میڈیا اور چیٹ ہسٹری ڈیلیٹ ہو جائے گی۔