4
کیلیفورنیا( مانیٹرنگ ڈیسک)ایکس کے بانی ایلون مسک نے ایک مرتبہ پھر ہیش ٹیگ کے استعمال پر نئی بحث چھیڑ دی ہے۔بھارتی میڈیا کی رپورٹ کے مطابق ایلون مسک نے ایکس کے ایک صارف کی پوسٹ پر ردعمل دیتے ہوئے ہیش ٹیگ کو فرسودہ اور غیر ضروری قرار دیا۔ صارف نے سوال کیا تھا کہ آیا وہ ہیش ٹیگ استعمال کریں، اور ان کے ہیش ٹیگ “آب میرین پر سکرین ڈور” اور “ایک ٹکٹ ٹو کہیں نہیں” پر ایلون مسک نے یہ ردعمل دیا۔ایلون مسک نے کہا، “براہ کرم ہیش ٹیگ کا استعمال بند کریں، سسٹم کو اب ان کی ضرورت نہیں ہے اور وہ بدصورت نظر آتے ہیں۔”مسک کے اس بیان پر ایکس کے صارفین نے مختلف ردعمل دیے۔ کچھ نے ان کے نقطہ نظر کی حمایت کی اور کہا کہ ہیش ٹیگ کا استعمال غیر ضروری ہے کیونکہ سسٹم پہلے ہی سمجھتا ہے کہ آپ کس موضوع پر بات کر رہے ہیں، اور ہیش ٹیگ ٹائپ کرنے میں وقت ضائع کرنا بے فائدہ ہے۔
