ماہرہ خان نے شاہ رخ خان سے کیا سیکھا؟

کراچی ( شو بز ڈیسک)ماہرہ خان نے حال ہی میں سوشل میڈیا ویب سائٹ ایکس پر اپنے مداحوں کے ساتھ ایک سوال و جواب کا سیشن منعقد کیا، جس میں انہوں نے اپنی زندگی اور کیریئر کے تجربات پر بات کی۔ ایک بھارتی مداح نے ان سے پوچھا کہ انہوں نے فلم رئیس میں شاہ رخ خان کے ساتھ کام کرتے ہوئے کیا سیکھا۔ماہرہ خان نے جواب دیتے ہوئے کہا کہ شاہ رخ خان نے انہیں نصیحت کی کہ “ہر لمحے کی قدر کرو”۔ انہوں نے اس بات پر زور دیا کہ یہ ضروری ہے کہ ہم ہر موقع کو اپنے کیریئر اور زندگی میں بھرپور طریقے سے استعمال کریں، چاہے وہ کامیابی ہو یا چیلنج۔ ماہرہ نے مزید کہا کہ شاہ رخ کی محنت، توجہ اور محبت نے انہیں متاثر کیا اور انہیں سکھایا کہ کامیابی کے پیچھے مستقل مزاجی اور لگن کی ضرورت ہوتی ہے۔یہ تجربات ماہرہ کے لیے نہ صرف پیشہ ورانہ طور پر بلکہ ذاتی طور پر بھی ایک قیمتی سبق ثابت ہوئے ہیں، جو ان کی اداکاری اور زندگی کے دیگر پہلوں میں ظاہر ہوتے ہیں۔