ورون دھون تنازع کا شکار، نئی فلم کے ٹیزر پر تنقید، جعلی تبصروں کے الزامات نے ہنگامہ کھڑا کر دیا

ممبئی( شوبز ڈیسک) بالی ووڈ اداکار ورون دھون اپنی نئی فلم ہے جوانی تو عشق تو ہونا ہے کے باعث تنازع کی زد میں آ گئے، ٹیزر جاری ہوتے ہی سوشل میڈیا پر بحث چھڑ گئی۔ہدایت کار ڈیوڈ دھون کی اس فلم کا پہلا جھلک جاری ہوتے ہی توجہ کا مرکز بن گئی، جس میں مصنوعی ذہانت سے تیار کردہ بچوں کے ابتدائی مناظر نے ناظرین کو حیران کر دیا، بعد ازاں ورون دھون، پوجا ہیگڑے اور مرنال ٹھاکر کو مرکزی کرداروں میں پیش کیا گیا۔فلم کے ٹیزر میں محبت کے مثلث کو دکھایا گیا ہے، تاہم اس کے ساتھ ہی اداکار کو ایک سوشل میڈیا شخصیت کی جانب سے تنقید کا سامنا کرنا پڑا ہے۔سوشل میڈیا پر سامنے آنے والی ایک ویڈیو میں دعویٰ کیا گیا کہ عوام سے فلم کے لیے تیار شدہ تبصرے دلوانے کی کوشش کی گئی، تاہم جب اس کی تردید کی گئی تو معاملہ مزید بڑھ گیا۔ورون دھون نے بھی اس معاملے پر ردعمل دیتے ہوئے الزامات کو مسترد کیا اور کہا کہ یہ سب توجہ حاصل کرنے کی کوشش ہے، جس کے بعد دونوں جانب سے سخت جملوں کا تبادلہ دیکھنے میں آیا۔سماجی رابطوں کی ویب سائٹس پر اس معاملے پر صارفین کی رائے منقسم دکھائی دے رہی ہے، کچھ افراد اداکار کی حمایت کر رہے ہیں جبکہ دیگر سوالات اٹھا رہے ہیں۔