ورلڈ کپ سے واپسی پر مصری فٹبال ٹیم کا شاندار استقبال

قاہرہ( سپورٹس ڈیسک) فیفا ورلڈ کپ 2026 میں شرکت کے بعد مصر کی قومی فٹبال ٹیم کی وطن واپسی پر شاندار استقبال کیا گیا، جہاں ہزاروں شائقین اپنے ہیروز کا خیرمقدم کرنے کے لیے جمع ہو گئے۔مصری ٹیم کے وطن پہنچنے پر ہوائی اڈے پر حکام اور انتظامیہ نے کھلاڑیوں کا پرتپاک استقبال کیا، جبکہ ایئرپورٹ کے باہر بھی مداحوں کی بڑی تعداد موجود تھی۔ جیسے ہی کھلاڑی باہر آئے، شائقین نے ان کا گرمجوشی سے استقبال کیا، ان کے ساتھ تصاویر بنوائیں اور نیک خواہشات کا اظہار کیا۔بعد ازاں قومی ٹیم کے کھلاڑی بس کے ذریعے شہر کے مختلف علاقوں سے گزرے، جہاں سڑکوں کے دونوں اطراف قومی پرچم اٹھائے شہری ان کی ایک جھلک دیکھنے کے لیے بے تاب دکھائی دیے۔مداحوں نے فٹبال ٹیم اور مصر کے حق میں پرجوش نعرے لگائے، جبکہ کھلاڑیوں نے ہاتھ ہلا کر عوام کی محبت کا جواب دیا اور ان کے بھرپور استقبال پر شکریہ ادا کیا۔