بیلجیم نے امریکا کو 1-4 سے شکست دے کر کوارٹر فائنل میں جگہ بنا لی

واشنگٹن( سپورٹس ڈیسک) فیفا ورلڈ کپ 2026ء کے پری کوارٹر فائنل میں بیلجیم نے میزبان امریکا کو 1-4 سے شکست دے کر کوارٹر فائنل کے لیے کوالیفائی کر لیا، جبکہ امریکا کا عالمی کپ میں سفر اختتام پذیر ہو گیا۔واشنگٹن میں کھیلے گئے اہم ناک آؤٹ مقابلے میں بیلجیم نے آغاز سے ہی جارحانہ کھیل پیش کیا اور امریکی دفاع کو مسلسل دباؤ میں رکھا۔ بیلجیم کے فارورڈ چارلس ڈی کیٹیلیئر نے شاندار کارکردگی کا مظاہرہ کرتے ہوئے دو گول اسکور کیے، جبکہ ہانس واناکن اور رومیلو لوکاکو نے ایک، ایک گول کرکے ٹیم کی فتح میں اہم کردار ادا کیا۔امریکی ٹیم نے میچ میں واپسی کی کوشش کرتے ہوئے ایک گول ضرور کیا، لیکن بیلجیم کے منظم دفاع اور مؤثر حملوں کے سامنے زیادہ دیر مزاحمت نہ کر سکی۔اس کامیابی کے ساتھ بیلجیم نے کوارٹر فائنل میں اپنی جگہ پکی کر لی، جہاں وہ ٹائٹل کی دوڑ میں مزید اعتماد کے ساتھ اگلے مرحلے میں میدان میں اترے گی، جبکہ میزبان امریکا ایونٹ سے باہر ہو گیا۔