حماس کی امن مذاکرات میں شرکت کی خبروں کی تردید

دوحہ (مانیٹر نگ ڈیسک)فلسطینی مزاحمتی تحریک حماس نے جمعرات کو ہونے والے امن مذاکرات میں شرکت کی خبروں کی تردید کر دی۔حماس کے رہنماوں نے کہا ہے کہ غزہ جنگ بندی کے معاہدے پر عمل درآمد چاہتے ہیں، نئی بات چیت نہیں، جمعرات کو ہونے والے مذاکرات میں حماس شرکت نہیں کرے گی۔دوسری جانب غزہ پر اسرائیلی فضائی حملوں میں آج 19 فلسطین شہید ہوگئے، دیر البلاح میں ایک حملے میں 6 افراد شہید ہوئیجن میں ماں اور اس کے جڑواں چار دن کے بچے بھی شامل تھے۔قریبی البریج کیمپ میں ایک مکان پر حملے میں 7 فلسطینی شہید ہوئے، وسطی غزہ کی پٹی اور جنوب رفح میں المغازی کیمپ پر دو الگ الگ حملوں میں 4 فلسطینی شہیدہوئے۔شمال میں غزہ شہر کے شیخ رضوان محلے میں ایک حملے میں 2 فلسطینی شہیدہوئے۔