عالمی منڈی میں تیل اور گیس کی قیمتوں میں کمی، خام تیل 60 ڈالرز فی بیرل تک پہنچ گیا

کراچی ( کامرس ڈیسک)عالمی منڈی میں تیل کی قیمت میں مزید کمی آئی ہے، جہاں برینٹ خام تیل 64 ڈالرز فی بیرل کی سطح پر آ گیا ہے، جبکہ ڈبلیو ٹی آئی خام تیل 60 ڈالرز فی بیرل میں فروخت ہو رہا ہے۔غیر ملکی میڈیا کے مطابق، تیل کی قیمت میں 2 سے 3 فیصد کی کمی ہوئی ہے۔ اس کے ساتھ ساتھ عالمی سطح پر گیس کی قیمت میں بھی 1.5 فیصد کمی آئی ہے اور یہ 3 ڈالرز 77 سینٹس فی ایم ایم بی ٹی یو تک پہنچ گئی ہے۔واضح رہے کہ 3 اپریل کو بھی عالمی منڈی میں خام تیل کی قیمتوں میں 7 فیصد تک کمی آئی تھی۔